पनामा उत्खननामध्ये उंटाच्या दोन प्रजाती आढळल्या

फ्लोरिडा विद्यापीठातील संशोधकांना पनामा कालव्याच्या परीसरामध्ये उत्खऩन करताना
दोन नव्या उंटाच्या प्रजाती असल्याचे आढळून आले आहे. त्याचा या उष्ण कटिबंधीय
प्रदेशातील जैवविविधता आणि पर्यावरणाच्या इतिहासावर नवा प्रकाश पडणार आहे. हे
संशोधन व्हर्टेब्रेट पॅलेन्टोलाॅजी या संशोधनपत्रिकेमध्ये प्रकासित करण्यात आले आहेत.
अमेरिकेतील राष्ट्रीय शास्त्र फौऊंडेशनच्या अर्थसाह्याने 2009 पासून जीवसृष्टीच्या मागोवा
शास्त्र तसेच जीवाश्म तज्ज्ञ आणि भुवैज्ञानिक शास्त्रातील संशोधक पनामा कालव्याच्या
परिसरामध्ये उत्खनन केले जात आहे. त्यामध्ये प्राचीन काळी असलेल्या सस्तन
प्राण्याच्या प्रसाराचा, पर्यावरणाचा अभ्यास केला जात आहे. या बाबत माहिती देताना
संशोधक ब्रुस मॅकफॅडन यांनी सांगितले की, मध्य अमेरिकेमध्ये सुमारे 30 दशलक्ष
वर्षापुर्वी उंटाच्या Aguascalietia panamaensis and Aguascalientia minuta या दोन
प्रजाती होत्या, त्याचा प्रसार संपुर्ण अमेरिकेमध्ये झाला. ही प्रजाती सर्वात जुन्या सस्तन
प्राण्यापैकी एक असल्याचे आढळले आहे. यांच्या तोंडाचा जबडा हा मगरीसारखा लांब
असून सध्या असलेल्या उंटाच्या प्रजातीपेक्षा आकारामध्ये आणि जबड्याच्या आकारामध्ये
मोठ्या प्रमाणात फरक आहेत.
- उंट हे खुराच्या दृष्टीने गाई, बकरे, मेंढ्या , गरीण, म्हशी आणि डुकरे यांच्याशी जवळीक
असलेले आहेत. या प्रकारातील अन्य प्राणी या आधी मिळून आले आहेत. उंट हे प्राणी
प्राचीन काळापासून आढळून येत आहेत. मात्र त्यांचा प्रसार आणि रहिवास याबाबत फारच
कमी माहिती उपलब्ध आहे.
- सध्या असे मानले जाते की, 4 ते 5 दशलक्ष वर्षापुर्वी उत्तर अमेरिकेत त्याचा उगम
होऊन नंतर त्यांचा प्रसार दक्षिण अमेरिकेत झाला. त्यानंतर त्यांचे रुपांतर अमेरिकेतील
अलपॅका नावाच्या मेंढी, शेळ्या व अन्य प्राण्यामध्ये झाले असे मानले जाते.