फळझाडावरील फुलोरा विरळणीसाठी यंत्र सॅफफ्लावर

फळझाडावरील फुलोरा विरळणीसाठी यंत्र सॅफफ्लावर

योग्य आकार आणि रंगासह दर्जेदार उत्पादनासाठी प्रत्येक फांदीवरील फळांची संख्या मर्यादीत ठेवण्याची आवश्यकता असते. त्यासाठी फळझाडामध्ये विरळणी केली जाते. स्पेनसह युरोपमध्ये चपट्या पिचेस आणि नेक्टरीन यासारख्या फळांच्या उत्पादनवाढीसाठी अधिक प्रमाणात आलेल्या फुलांची विरळणी करावी लागते. ही प्रक्रिया माणसांच्या साह्याने केली जाते. गेल्या काही वर्षापासून यांत्रिक पद्धतीने विरळणी करणारी काही यंत्रे विकसित झाली आहेत. त्यात अगदी सोप्या तंत्रज्ञानावर कार्यरत राहणारे सॅफफ्लावर हे यंत्र शेतकऱ्यामध्ये लोकप्रिय होत आहे. हे यंत्र स्पेन येथील कंपनीने विकसित केले आहे. या यंत्रामुळे वेळेमध्ये सुमारे 35 टक्के बचत होते.
या यंत्राच्या चाचण्या स्पेन येथील लैइडा कृषी अन्न संशोधन आणि तंत्रज्ञान संस्थेमध्ये करण्यात आल्या आहेत.

यंत्राची वैशिष्ट्ये ः

- या यंत्रामध्ये एका आसाभोवती फिरणाऱ्या शाफ्टवरील धाग्यांच्या साह्याने झाडावरील फुलोरा कमी केला जातो.
- या अवजाराचे वजन केवळ 450 ग्रॅम असून लांबी 37 सेंटीमीटर आहे.
- हे यंत्र सलग नऊ तास चालू शकते.
- काही फळझाडाच्या विरळणीसाठी मजूरीच्या खर्चामध्ये बचत होते. एका माणूस पूर्वी 30 झाडांपर्यंत विरळणी करत असे, त्यात या यंत्रामुळे वाढ झाली असून 110 ते 120 झाडांची विरळणी करणे शक्य होते. या यंत्रामुळे वेळेमध्ये सुमारे 35 टक्के बचत होते.